تخرجت وانقل لكم جميع ملفاتي 9 جيجا وكلام مهم لكل طالب وطالبه !

[في خاطري كلمه]

السلام عليكم ورحمة الله وبركاته

الموضوع يحتوي على:
1 ملفات للمواد
2 نظرتي الشخصيه للدكاتره
3 كلام في مشروع التخرج
4 مابعد التخرج (الوظائف)



الحمدلله تخرجنا من الجامعه وكان عندي ملفات كثيره
تم تجميعها على مدار السنين بالكليه
المواد تخص الخطه القديمه
عدد المواد الاجمالي 30 ماده
اغلبها CSC





وطبعا المواد المشتركه كثيره عشان كذا كل التخصصات بيستفيدون ان شا الله



القسم الاول
بعطيكم نبذه عن الدكاتره وكيفية التعامل معاهم واهم الملاحضات عليهم

CSC

البروفيسور ابو بكر حامدي الشريف
مستوى النجاح عنده:عالي
الدرجات:متساعد/ممتازه
الدكتور جدا فاهم ويعتبر عبقري

د.خليل الشقيرات
مستوى النجاح عنده:جيد جدا
الدرجات:غير متساعد/اغلب مواده ممتازه ماعدا مادة التشفير
مواده بشكل عام سهله جدا وتعتمد على الحفظ والفهم

د.عبد الناصر رشيد
مستوى النجاح عنده:متوسط
الدرجات:متساعد قليلا/الاسئله سهله غالبا لكن يوجد درجات من 20
صعب انك تاخذها كامله واغلب الي يرسبون بسبة هذي الدرجات
الغياب عنده يعتبر خطأ كثير لانه يدقق على الي يغيبون
وبالنسبه لدرجات اعمال السنه حاولوا تخلصونها بدري وعطوه لانه مايتواجد بالمكتب الا قليل جدا
لاتنصدمون بالدرجات !

د.ماستر برنس
مستوى النجاح عنده:عالي
الدرجات:غير متساعد/جيده جدا

د.سيد خضر
مستوى النجاح عنده:متوسط الى عالي
الدرجات:غير متساعد/جيده جدا
مواده تبين لك معنى الملل كلها نوم لان نبرة صوته ضغيفه حيل
لاتخافون اختباراته سهله وتعتمد على الحفظ

د.نعمان
مستوى النجاح عنده:متوسط
الدرجات:غير متساعد / مقبوله
انتبه من الي يضحكك لانه راح يبكيك بالاختبار

د.نضرول اسلام
مستوى النجاح عنده:متوسط
الدرجات: متساعد/جيده
لاتغيب وافهم واجلس قدام وامورك تمام

د.شاهد اقبال
مستوى النجاح عنده:متوسط
الدرجات:متساعد/جيده جدا
يفكر بشكل منطقي ماعنده مشكله يضل يعيد الشرح حتى تفهمون كلكم

د.صالح السلمي
مستوى النجاح عنده:عالي
الدرجات:غير متساعد/جيده
فيلسوف احيان كثيره لكن مرات بتطلع بفوائد جوهريه

CEN

البروفيسور سالم نصري
مستوى النجاح عنده:قليل
الدرجات:غير متساعد/غير مقبوله
الله يعينكم عليه

د.اشرف نصر
مستوى النجاح عنده:متوسط
الدرجات:غير متساعد/ مقبوله
بالبدايه يحسسك ان المنهج سهل لكن يصلخك بالاختبار كله حفظ بحفظ من الجلده للجلده


د.انور ساديال
مستوى النجاح عنده:متوسط
الدرجات: متساعد/ جيده جدا
لاتغيب وافهم واجلس قدام وامورك تمام

د.سامح عويضه
مستوى النجاح متوسط
الدرجات:غير متساعد/جيده
درس درس درس درس
دروسه كثيره وتعتمد على الفهم واذا غبت محاضره بتتعب عشان المحاضرات الفهم فيها متتابع

د.سامح عطري
مستوى النجاح : عالي
الدرجات:متساعد / جيده جدا
عسل والله

IT

د.محمد اعجاز
مستوى النجاح:عالي
الدرجات:متساعد/جيده جدا
راح تطلع من عنده انسان فاهم ومفكر

د.حسام الحمد
مستوى النجاح:متوسط
الدرجات:متساعد/جيده جدا

د.محمد الهاجري
مستوى النجاح:متوسط
الدرجات:متساعد/جيده
كلام كثير لكنه جميل

د.زمير
مستوى النجاح :متوسط
الدرجات:غير متساعد/جيده
يحدد سلايدات واحفظوها حفظ حتى لو تعطيه حل منطقي اخر ما راح يعتمده يبي زي الحل الي بالسلايدات

د.محمد عزام
مستوى النجاح:متوسط
الدرجات:متساعد/جيده جدا
مواده اغلبها حفظ واعتمد على نفسك بالفهم




القسم الثاني
رابط التحميل اضغط هنــــا

بعد ماتفتحون الرابط
عدلوا الرؤيه عشان التصفح يكون افضل



مثل ما انتم عارفين الملفات كثيره وكبيره حيل
حمل المواد الي تفيدك اول
ثم حمل الباقي




القسم الثالث
مشروع التخرج
ينقسم الى قسمين:
498 المرحله الاولى ويعتمد على الدكمنتيشن الي هو كلام عن المشروع وش يحتوي ونظره عامه عنه
499 الكلام الموجود قبل راح يتحول هنا الى تطبيق عملي

مشروع التخرج النهائي راح يحتوي على 498 + 499 وراح يتكون من 5 او 6 فصول
1 مقدمه عامه INTRODUCTION
مثلا مشروعك يخص الصوت تكتب معلومات عامه عن الصوت والترددات على سبيل المثال
يحتوي على الفهرس والفهرس ينقسم الى:فهرس للمواضيع وفهرس للصور وفهرس للجداول

2 تفاصيل المشروع LITERATURE REVIEW
الجزئيه الي تهمك من ناحية الصوت مثلا دراسة تاثير الصدى

3 طريقة الدراسه الي تحل المشكله METHODOLOGY
الاليات الي تساعدك في اتمام مهامك

4 التجارب والنتائج
تضع صور للبرامج الي استخدمتها والنتائج على شكل جدول ويفضل وجود اكثر من طريقه لمقارنة الطرق والافضل بينهما

5 الخلاصه CONCLUSION
6 الاعمال المستقبليه FUTURE WORK
5+6 ممكن يندرجوا تحت اسم واحد الفكره تعطي خلاصه عن المشروع وارائك وكيف ممكن تطور من المشروع مستقبلا لان ممكن احد يكمل شغلك بعدين
اخر شي تحط معلومات المراجع ويفضل انها تكون بدون روابط زي كذا
Angus, J. (2006). Gorilla, Gorilla, Gorilla [wood veneers, nylon]. Perth: Art Gallery of Western Australia.
اخر شي هو طباعة المشروع
تقسم الطباعه الى قسمين
تطبع الصفحات الاولى الي تحتوي على اسم المشروع والطلاب والفهرس مع ترقيم الصفحات باللغه اليونانيه I,II,III,IV,VI ....
القسم الثاني تطبع من بداية الفصل الاول بالترقيم العادي 1 2 3 ...

يحق لك تاخذ معلومات من النت لكن يفضل ان مايكون المحتوى نسخ لصق لانك لازم تظيف على المشروع
مناقشة المشروع:يختبرونك هل انت على درايه على ما كتبت وهل هو كافي او لا
عادي جدا يجي دكتور من قسم ثاني ويسئلك مثلا الزر هذا وين مكانه بالكود
اهم شي تكون واثق من نفسك وانت تناقش




القسم الرابع
بعد التخرج سجل بجداره مباشرة حيث انه يعتبر البوابه للوظائف الحكوميه وحتى تدخل بالمنافسه الوظيفيه لازم تخلص اختبار اسمه (تقييم 1 )وايضا تابع موقع تويتر حيث يعتبر المصدر الاول للوظائف (رأيي الشخصي)
الدورات التدريبيه:اذا كنت تبي توظف بالحوكمه يفضل تاخذ الدوره بعد التخرج اما الشركات ماتفرق معاهم لذلك انصح الشباب الي يكونون بمكان زي الرياض حيث الشهادات القويه يوجد لها معاهد معتمده زي شهادة الشبكات سيسكو على سبيل المثال
الوظائف الحكوميه راحه لكن الراتب بالشركات الخاصه اعلى مع تعب بالشغل لكن الحكومي يوجد مؤوسسات حكوميه شبه خاصه مثل الهيئات الحوميه اي مؤوسسه حكوميه قبل اسمها (هيئه) تعتبر رواتبها كويسه




اخيرا هذا رابط مختصر للموضوع للي يحب ينشر الموضوع
http://bit.ly/qu2015

وبالله التوفيق

[KARAM027]

و عليكم السلام

شكرا لك وجزاك الله الف خير

و الله يوفقك

[Sntino]

جزاك الله خيررر


الله يسعدك ويوفقك

[Melii]

الله يووفقك

[wifi]

شككرا

[alfayz]

كان الرابط يعمل سابقاً
لكن الأن عند الدخول يظهر لي صفحة فارغة ؟!

[meme20]

مشكور وربي يوفقك ويرزقك بالوظيفه الي تسعدك
اخوي مايفتح الرابط يفتح لي صفحه فارغه

[NekfH]

اقتباس المشاركة الأساسية كتبها alfayz كان الرابط يعمل سابقاً لكن الأن عند الدخول يظهر لي صفحة فارغة ؟!

صحيح الشكلة من الموقع مايحولك الى الرابط الرئيسي اللي نزله اخونا.

ياليت الادارة تحلها بأقرب وقت لأن كل الروابط ماتشتغل . فايليت يعدلونها بأسرع وقت .

أنا ارسلتهم رسالة عاد مادري اذا بيقرونها ولا لا ، لان حرام كل التعب اخر شيء مانقدر نفتح اي رابط هنا

[wa7a]

اقتباس المشاركة الأساسية كتبها NekfH صحيح الشكلة من الموقع مايحولك الى الرابط الرئيسي اللي نزله اخونا. ياليت الادارة تحلها بأقرب وقت لأن كل الروابط ماتشتغل . فايليت يعدلونها بأسرع وقت . أنا ارسلتهم رسالة عاد مادري اذا بيقرونها ولا لا ، لان حرام كل التعب اخر شيء مانقدر نفتح اي رابط هنا

اي والله صادق ..!!!

[الطالب المثالي33]

يجب تثبيت الموضوع

[في خاطري كلمه]

راح اعبد رفع الملفات باقرب فرصه
الموقع الي كانت عليه قللوا المساحه
عطوني وقت
وباذن الله ارفعها

[في خاطري كلمه]

تم اعادة رفع الملفات مع تقليل الحجم الى النصف

http://tiny.cc/QU2017

في حال ان الرابط جرى عليه تعديل او تغير لاي سبب كان فهذا هو على شكل نص

"tiny.cc/QU2017"

للعلم الملفات راح تبقى فتره معينه تقريبا 3 شهور
فحاولوا تنسخون الملفات وتنشرونها

بالتوفيق يارب للجميع